:: لازلت أحبك وهذا ""(موجز أخباري)"" .. وباقي التفاصيل "(أنا مشتاق بالمرة)" ::

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحس فيكـ
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي.. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك

شايف غلاهم لِك .. أكثر أنا أغليك
واللِّي وِصَل( نِص الغلا ) يمكن أمّك

مـا هـي [ قصـة حُـب ] وإلاَّ ذكريـات
المشاعـر ( جيـش ) .. وقلبـي مَرْكِـزَه

صرتي لي " خامس جهه " لأربع جهـات !
وصورتك في وسـط عينـي [ مبـرْوِزَه ]

كنَّ ربِّي .. ما خلـق غيـرك / بنـات !!
إن طروا غيـرك .. أحـس ب " نرفـزَه "

وكنِّـك إنتـي جامعـه كـل الصـفـات !
الحلا .. والزين .. وعين [ مطـرِّزَه ] ...

جـاك قلـب إنسان عاشـق تضحـيـات
و [ الهدف ] من شان " عينـك " يحْـرِزَه

إن خلطتي الماي فـي " سكَّـر نبـات "
..وقلتي : " يافلان " إفرزه !! راح أفرِزَه ...!!

واثـق الخطـوه وأمشـي فــي ثـبـات
ويوم شفتـك الخطـاوي [ مهَزْهِـزَه ] ..!

مـو ب كيفـي هـي كــذا والله جــات
قلبي كرسـي " صعـب " غيـرك يحْجِـزَه

مِسَكْتِك " حِلم " في " واقع " رفض يحقق أحلامي
مثل ذاك السراب اللي خذاني بعيد ..... وما نلتهـ !!

عليك الله .. إرحمني ذبحني , جرحي الدامي
وسيفٍ رافعه بوجهي عشان أرضيك / عانقتهـ

أشوفك " طيف " وأتخيِّل وجُودك وإنت قدامي !!
ولكن الغياب أقوى .. صِدمني وقال: ما شفتهـ

لي الله صرت لطعوني ( هَدَفْ ) ولطيبتي الرامي
أنا [ لا طاعني هذا الزمان ] ولا بعد طعتهـ !!

حبيبي صَعبه أتحَمَّل جُروحي وعظَّة إبهامي
قضى صبري وكل حَلٍ عشان الحُب ؟ جرَّبتهـ

إذا لِك يُوم مِتضايق ..؟ أنا الضِيقات أيامي
وإذا لِك يُوم تذكِرني ..؟ أنا النسيان زعَّلتهـ

وإذا جِسمِك تعَب , حتى أنا خايف مِنْ عضامي ..!!
أنا أمري إلى رَبِّي .. مِنْ الصَدمات / سَلَّمتهـ

محالٍ ألتقي بنقطه معاك .. وأنصُب خيامي
ربيعك وين يا الغالي..؟ أنا أسمع فيه ما عشتهـ

][ أنــا مـ ج ــنـوـونـكّـ ][

~ و أدري مـ ج ــانـيـن الـغــرام كــثـار ~

و لــكــن!! ..

مــن ردى حـظـي مـحـد فـي هـذا يــشـبـهـنـي

غـــــريـبـة !!

كــثـّر كـرهك لـي،..

.. أحبـكـ،..

و أخـلـق الأعـذار

و أقــول!!

إنـكـ علـى حــق و صـواب يــوم تــكــرهـنـي

..، أكــبــر مـصـيـبـة !!،..

( لا تـولـ ع ــت بـانـسـان )

و الشــوق يـمهـ يـحـملـك مـا يـهـدك،..

أنا اللي كنت أسهرلك وأقول: لراحتك نامي
غفى بعض التعب فيني وبعضه فيك سهَّرتهـ

تِغمِّض جفني اخيوط النهار وألمح أوهامي
وأرجع أكتشف جفني معك ما يوم غمَّضتهـ

تعوَّد قلبي من صُوم اللقا , لا تجرح صيامي
لقانا تحسبه ذنبٍ غريبه شلون حللتهـ ..؟

وش الحيله .. إذا أفقد دواي وألمَح آلامي
لاجل أوصل إلى قلبك طريق المُوت أسْلَكتهـ

وفجأه صرت لك شاعر وعينك كانت إلهامي
وكل بيتٍ عجب غيرك لاجل أرضيك بس .. قلتهـ

كأنك صَحرةٍ تُورِد غياب // وينكِسِر ضامي
دخيلك .. قلبي الضامي .. أمانه ليه **َّرتهـ ؟؟

يمُوت الحب لا يمكن , أموت ويبقى هُو " سامي "
وإذا حُبك مثل ( سِيفٍ ) .....؟ تأكد إنِّي عانقتهـ

شي يخصك باقي عندي

(قلب) من غيرك وحيد !

ما يبي يبقى معاي !

يا أجيلك / أو يجيلك

يسألوني الناس عنِّك !

وليه ما أكتب [ قصيد ]

قول ..

لا تسكت ..

تكلَّم..

وش أجاوبهم دخيلك ؟

إختلفنا

وماعرفنا شنهو الراي السديد

يا تضحِّي في عنادك

أو أضحِّي في سبيلك

شـي طبيعـي لـو يـغـارون البـنـات
للجمال [ أخبـار ] وإنتـي " مُوجـزَه " ..

ومـن يشوفـك الـلِّـي يتكـلَّـم لـغـات
قام يخربط وال ( إذا ) صارت ( إزَه ) ..!!

والثقيـل اللـي يسولـف فـي سـكـات
من يشوفـك عـاش حالـة / لعـوَزَه ..!!

ولـو تبوسـي إنسـان لـه أيَّـام مـات
قـام يركـض !! حـس قلبـه ينْغِـزَه ..!

وقلبـي اللـي نـام فـي عـز وسـبـات
غيـرك إنتـي .. مـا أظـن ( يفـزِّزَه )

واللِّي قالوا لما جـت : " الحلـوه جـات "
جنبك إنتي ..؟ صـارت أكبـر [ مَطْنَـزَه ]

لا تغـاري .. مـن كــلام المعجـبـات
ماني مثـل اللِّـي .. يحـب " الـرَزْرِزَه "

ياما قالوا ( الحُـب ) يصنـع معجـزات ..
وإنتي [ حُبك ].. في حياتي " مُعْجِـزَه " ..

لازلت أحبك وهذا

""(موجز أخباري)""

وباقي التفاصيل

"(أنا مشتاق بالمرـرآ)"

( ثلاثْ أيَّـامْ ) تهجرنـي ولا بيَّنـتْ لِـكْ نزفـي
ودُواي اللِّي تِكاثرْتَـه عَلـيْ وصِـرتْ لِـي دائـي

( ثلاثْ أيَّامْ ) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي

( ثلاثْ أيَّامْ )وأنـوار المدينـه يـا الغـلا تطفـي
وتِعِمْ الظَّلمَه في قلـب الشـوارع وأفقِـدْ أضوائـي

تِصَدِّق حتَّـى بسماتـي .. أهَلِّـي فِيهـا وتِقفِّـي !
تعـال ولَمْلِـمْ جُروحـي ورَتِّـبْ فُوضَـة أجزائـي

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!

( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ " ضِيفٍ " وقلبي ..... حَاتِمْ الطائي !!

الله وكيلك !

حالتي صعبه / بدونك ..

وكيف حالك يا بعيد ؟

أشتكي منِّك إليك ..

ومن جروحي , أشتكيلك !

والله ما قصرَّت فيني بس ..

ودِّي لو تزيد !!!!

يعني ، [ إذبحني ]وكمِّل يا بعد قلبي / جميلك !

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنيـاك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

إن ضاقت الدنيا من أسباب فرقاك
واللـه أرحَم .. من وجودك بصفي

خلك بعيد أحسن وصدقني بنساك
اللي فعلته .. في حياتي يكَفِّي

عجزت أدوِّر فِيك عنَّك ولا ألقاك
قلبك من بلاد الأحاسيس منفي

أجيك مِنَّا .. ( ألمحِك ) رحت مِنَّاك !
أجيك واضح وجيتني بوجه مخفي

تخطي بحياتك وأحضِن أتعَاب ما جاك
و [ قلبي ] ... إلا منِّكْ نخيته يوفِّي

حاولت أداري خاطرك وأ**ِب رضاك
من قو حُبي لِك ... ومن زود عطفي

لكن غرورك يُوم أغليك أعماك
خلاك تتوهم .. بخوفي وضعفي

وخلاك تحسِب لا بَعَدت آترجاك
وأمسَح دموعي لين ما أبل كَفِّي !

آنا مثل : [ نارٍ قويَّه ] .. وإيَّاك
من هو لمسهَا تحرِقَه ما تدفِّي

والحين بنهي قصة الحُب وياك
وقضي حياتك بين ذكراي وحرفي

وقلبي / إذا مرَّه لقيته .. وتعداك
لا ( تحرجه ) وتحِط إيدك بـ كتفي

مِن يقول آنا أحِبـك وقلبي عايش لِك يصون
آنـا مثلك يا حبيبـي مِن ورى عِينك أخونك

هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك

دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك

لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك

ياللي [ خَذاك ] الغيـر مـن سِبَّـة ظـروف
من جَنبـي البَـارح مَـعَ [ ماخـذَك ] طِفـت

لا تَحسِب إنِّك يُـــوم مرِّيـت مـا اشـوف
سوِّيت نَفسي مِن القَهَر كِنِّـي مـا شِفـت

المَسألـه : مـا هـي تغـلِّـي ولا خُــوف
لولا غَلاتِـك ؟ كَـان تلقَانـي مَـا خفـت

أخـاف يلمَـح نظرِتـي وآنـا : ملـهـوف
وإلاّ يِشـوف بنظرتـك / كَـم : تحسفـت

ما هو ( قهر عـادي ) ولا صفقَـة كفـوف
شفتك مَعَ غيري / وتمنِّيـت : مـا شفـت

فقير .. وجيت لك حافي وقلبي جوهرة ألماس
عطيتك كل ما عندي / عساي أحظى بتفكيرك

شربت الكاس لعيونك وأدري فيه سِـمْ الكاس !
كأنه .. منجبر قلبي .. على حُبك .. وتقديرك

كثير أشكال مرَّتني .. ومرَّتني كثير أجناس
رفض قلبي يكلِّمْهُم .. رفض واللـه تغييرك

خسرت الكل صدِّقني وقلبي .. أعلن الإفلاس
وإنت الباقي في عمري وعلي يا كُبر تأثيرك

كأني بن ربيعه كليب وكأنك بـ الغَدِر جسَّاس
أعبِّر لك بـ هذا البيت وإنتَ شنهو تعبيرك ؟

قضى كل الأمل فيني من رجولي إلين الراس
كثيره حيل غلطاتك .. وتصدمني بـ تبريرك

تطيح الناس من كثر التعب أو ما تطيح الناس ؟!
وأنا مثل الشجر واقف رغم هجرك وتقصيرك

" طيبتي " صارت مثل ( كف البخيـل )
أيِّ شَي طايـح .. تِشُوفـه ؟ تحمِلَـه

و" عزِّتي " تقـدر تِسَمِّيهـا : النخيـل
لأنـي شامِـخ .. والعواصـف قاتِلَـه

وعادي جداً .. إنِّي الليله ( عليل ) ..
الحزن : يحْسِبني واحد مِـنْ هَلَـه !!

ومو غريبه .. لـو تِمَنِّيـت الرحيـل
البقاء.. أحيـان يعنـي .. البهذلَـه !!

في غيابك .. ما لَهَا الضيقه / مثيل ..!
وربِّـي اللِّـي مـا يشـاءه يفعـلَـه

مِنْ يلاقـي لدنيتـي هـذي بديـل ..؟
خـل يجينـي أي شخـص .. أبَدِّلَـه

وعيب راسي لا بغى شي " مستحيـل "
يوصله مو طيب .. غصـبٍ يوصلَـه

تِصَدِّق وإلا ما تِصَدِّق .. أنا عَاجِز عَن التفكير
تعَال وشُوف في عينِك غِيابك وش عَمَل فيني

حبيبي ما بُقى عِندي صَبر .. يتحَمَّـل التأخير
رَحَلت .. وعِقبك الدنيا غلاها طاح مِن عيني

أجَاوب اللِّي يسألني عَن أخبَاري وأقول بخير!!
وأنا لا خِير بغيابك .. ولا حَاجَه .. تهنيني !!

 

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!

مطلع الشمس
عدتي الينا من جديد محمله بقوة التعبير والكلمات الموثره

تسلمين عزيزتي لا عدمناج يارب

في حفظ الله

تقبلي مني مروري البسيط اختك فالله
شهد

 

غاليتي-شهد



مررتي هنا وتركتي لي بصمة رائعة بين ثنيا صفحتي المتواضعة

تركتي لي فل وياسمين وورد جوري ياعسل شكراااا لكي غاليتي

 

جميل جدا بارك الله فيك اختي

 

..، أكــبــر مـصـيـبـة !!،.. ( لا تـولـ ع ــت بـانـسـان ) و الشــوق يـمهـ يـحـملـك مـا يـهـدك،..

روعه الغلا...
يسلموووو