ليش البنت متعلقه في جوالها..؟!

كثير منا ربما لاحظ...نظرات الأنتقاد..سواء من قريب أو من بعيد...

حين نمسك بهاتف الجوال..

مهاتفين اي شخص كان..

لأمر ضروري أو سواه..(في مكان عام) .. وتطول المكالمه ..

وحتى نكون أكثر صدق ...

فإن الفتاة بوجه التحديد هي من توجه لها تلك النظارات ...بشكل مستفز..

يصل في أغلب الأحيان لمرحلة الشك..

أسئله تدور ربما في أذهان من هم أكبر منا سناً بوجه التحديد...

من تكلم..؟؟!
يعني وشو الأمر الضروري اللي ماتقدر تأجله حتى وهي طالعه ..؟؟؟!
لهدرجه مغرمه في جوالها..؟؟! وماتقدر تتركه ثواني..!!

وعلى الوجه الآخر تأتي إنتقادات الأهل...أم \أخت \ أخ..

ترى غلط البنت تكلم كل شوي وهي في مكان عام\ عزيمه

يالمجنونه الكل أنتبه أن جوالك كل دقيقه يدق..ليش ماحطيتيه صامت!

أكبر غلط أن البنت تتعلق في الجوال في مكان عام :a:..


المؤسف..وبكل أسى أقولها
أن هالفكره منتشـــره ...يمكن عند كل أفراد مجتمعنا خصوصاً..


بعض البنات فعلاً...تشدك بكثرة تعلقها في الجوال..
ماترضى أحد يمسكه
ولو يدق مستحيل تأجل المكالمه ..
تلقينها تروح وماترجع لك الا بعد ساعه...وهي في عزيمه كبيره يعني مو وقت مكالمات مطوله...
بس هل هذا مبرر كافي..عشان نشك فيها..؟؟!

وهل هذا مبرر..
في تعميم النظره( أي بنت تسوي كذا يعني وراها حركات غير أخلاقيه)..؟؟!

عالعموم هذا بصدق شي منتشر .. لو فيه وحده منكم مالاحظته للحين..
تجرب تتتعلق في جوالها في مكان عام خآصه في (السوق) وتشوف النتائج...

أخيراً..
هل أنتي مع أو ضد هالنظره..؟؟

هل لاحظتيها في من هم حولك..؟؟
هل تعرضتي لموقف مشابه..؟؟

مالحلول برأيك..؟؟

أنتظركم..المغرورة

 

مو مع هالنظره..وأشوف وايد ناس من حولي كيه
عن نفسي لما أطلع مشوار
أحط الجوال صامت وسااعات ما أخذه معي
وما في حل ههه
يسلموو ع الطرح
يعطيك العافيه
دمتي بود

 

يمكن هذا الموضوع خاص للبنات أكثر من الرجل
لكن معي وحهة نظر أبي أطرحها
البنت الفقيرة ولو كان معها جوال ما بكون لها وقت تناظر الجوال
طبعا بسبب البيت (( لاخدم ولاحشم ))
وراح تظطر ترتب البيت مع والدتها ((طبعا البنت المحبه لوالدتها ))
أما البنت الغنيه (( صاحبة الخدم والحشم ))
وقتها فاضي(( وتسليتها الجوال والنت)) على طول الوقت
ولكن في(( بعض)) البنات تصرفهن ( خاطئ )) لأدوات التسليه
وبخصوص الطرح الهواتف في الأماكن العموميه ممكن يكون متواجد مو عيب
لكن البنت تحاسب على نفسها من كلام الناس مو كل شوي تضحك كأنها في البيت (( عيب ))
كلام الناس مايرحم بعدين والدش إلي بحصل الكلام وإنتي لو حصلتي كلام تستاهلين لإنش جبتيه لنفسش
وأنا ((مـــع)) و((ضـد)) الموضوع المطرح

وتسلمين على الموضوع الجميل والقيم.

 

من وجهة نظري~

أرى انه من غير اللائق مسكه الجوال في الإجتماعات العائلية او مع الأصدقاء أو حتى في جلسات العائلة
وإذا جاء اتصال بإمكانها تستأذن من اللي حولها وتروح مكان فاضي وتعتذر للمتصل بعدم قدرتها على الحديث وتأجل المكالمة لوقت آخر؛ هذا التصرف الصحيح
لكن تروح وتطول هذا ينافي الذوق العام~

وما أظن أحد يطول بمكالماته هالأيام في الإجتماعات
من قبل .. زمان .. صح كان موجودة هالحركه

وفي السوق المختلط أبدا مالها داعي تكلم، ولوفيه ضرورة تختصر المكالمة قدر الإمكان
أو تروح لها سوق نسائي وتكلم براحتها
~

أما من ناحية التعلق بالجوال و (ماسكته طول الوقت وما ترضى أحد يآخذه)
أرى أن الجوال شيء شخصي، ومالأحد أياً كان الحق التدخل في الأمور الشخصية
وأفضل للبنت من القيل والقال لا تمسكه بيدها كثير، وتحط رمز قفل وتريح بالها إن كان حولها مُتطفلين.

~


شُكراً جزيلاً لكِ خيتي
أجمل الأمنيات

 

توت ماقصرت كفت وفت يعطيك العافيه مغروره على الطرح