ديـــك و اللي تذلـــه دجاجـــــــــــــــة ؟!!

السلام عليكم بنات ^^

كيفكم يا الغوالي ؟

بدون مقدمات أبدخل بالسالوفة ع طول :

من اليوم و اخواني يقولون : متى الغداء ، جوعاااانين
نبي نتغدى

المهم

بعد صلاة العصر الغداء جاهز حطيت السفرة

ما أمداهم جلسوا

إلا أخوي الكبير توه داخل و قال : تراني جبت لكم دجاجتين و ديك
عاد مار أتلفت مابه أحد ع السفرة

الجماعة كلهم نطوا يشوفون هالدجاجتين و الديك

عاد عندنا فوق بالسطح قفص كبير <<< من ابداعات أخوي يوم كان بزر

ما خلا شي ما رباه فيه

المهم شالوا الكرتون و رقوه للسطح

عاد يوم افتحوه نطت الدجاجتين

و الديك ما طلع

شقوا الكرتون من تحت و نزلوه

ماش الديك شكله مهوب زين

ماش

ما قدر يمشي

شوي إلا قام يمشي حبة حبة

و تحسن وضعه

المهم نزلوا اخواني

عاد قبل شوي دق أخوي و قال :

أكلوا الدجاج .

المهم

قطعوا خواتي الخس و جابوا المويه و رقوا

شوي إلا أخوي الصغير نازل و هو منفعل و يصرخ :

كلموا......... ، قولوا له إن الديك ماااااااااااااااااااات

انصدمت : مات

تركت الجهاز و رقيت معهم

لا لا لا

شفت لقطة مرررررررررررررة تحزن

أثرت فيني

الديك منحشر في الزاوية

ملتف على نفسه

و راسه منحني

و عيونه مغمضة

و الدجاجتين جالسات جنبه

شوي إلا وحده من الدجاجات تقوم توقف على عرفه

على عرف الديك اللي كان يفخر فيه
و يرفعه بعزة و شموخ

على عرف الديك
اللي كان رمز لقوته

على عرف الديك
اللي كان يميزه

عرف الديك يا ناااس ينداس ، و من يدوسه ؟ دجاجة ؟؟!

من جد تأثرت

جلست أفكر :
لو كان حي كان تجرأت الدجاجة تدوس عرفه ؟
يوم كان حي كان يتوقع إنه راح يجي يوم ينهان فيه و ما يقدر يدافع عن نفسه ؟


***


جلست أفكر بشكل أعمق :

وش الشي اللي أفتخر فيه ؟
و أحس اني أحسن من الناس لأني أملكه ؟
أصلي مثلا ؟: )

نسبي ؟

أموالي ؟

شكلي ؟

جمالي ؟

كشختي؟

لو تلاحظون كل هالأشياء ظاهريه

كلها مظاهر لا راحت و لا جت

مثل عرف الديك تماما
أرفع راسي بها اليوم
و بكرة أموت
و هي أول شي ينداس
و ينمحي
و لا يبقى لي ذكر
لحظتها
أتمنى أني امتلكت شي
يكون فخر لكي بعد موتي
قدمت عمل صالح
شاركت في عمل نافع
أخلصت ديني لله
تمسكت بعفتي
حصنت لساني
حافظت على حجابي
طهرت قلبي من كل غل .
قدمت شي أقدر أحمله معي بقبري
إذا راح كل شي عني ؟!

صدقوني

كلها أعمال جوهرية
إذا فنيت ُ كجسد
راح تبقى كأثر .




منقوول
للاخت منعطف

مووضووع راق لي جدا اسلووب ولا ارووع
واتمنى ان تستفيدووو

 

..ههههههههه..يؤ يؤ ..زين ماصحت نفوسه فلبدايه على الديك ..>>مو المغزي يابنت ..
المهم موضوع رائع ..ربي يسلمك يلاغلاا على الطرح

 

ما فهمت سوالف بنات ههه ~> شو مدخلك عيل

تسلمين يا انفاس

 

خخخخخ تسلمين حبوبه على الطرح
الله يعطيج العافيه

 

اشكر لكم اطلالتكم بارك الله بكم


هههه مرسال عاد اما مافهمت شي شلووون عاد
اشكر لك مرورك وحضورك الطيب ^^