أطرف موقف صار لك وأنت مسافر...؟

بمجرد ماتسـافر بالصيف لدوله غريبه وجديده عليك


طبيعي رح تواجه مواقف ..


سواء كانت محرجه أ وطريفه أو (( تفشل ))


أو حتى موقف مرعب أو يصيح


أو موقف حلووو ما ينمسح من ذاكرتك


أتمنى من كل واحد يدخل يقول على الموقف إلي صار له بالسفر


يلا خلونا نشوف شو بيطلع معاكم


في أنتظار تواصلكم ...

((أرجو التثبيت))

 

والله للحين ما جالي طلعت من عمان غير الامارات

والحمدلله مافي موقف صار لي

بس اول مره طلعت على المطار كنت بروح الصحرا

وتوهقت لاني اول مره
لكن الي يسأل ما يضيع

اشكرك اختي

عاد كلمينا عن نفسك

 

ما عليه يالحلط تبي تورطني

أنا سافرت بس الحمدلله للحين ما أذكر أي موقف طريف صار لي

بس في مرة في صلاله كنا جاعدين نلعب كووره ع الجبل وكان ذاك اليوم وايد رذاذ والكوووه راحت بعيد وأنا رحت أركض إييبها تعثرت ع الصخرة وطحت بكل قوتي وتبهدلت وبانطلوني تشرخ من الركبة وطلع دم وطبعا كل الناس اللي جنبنا يضحكون علي من الخاطر وأنا دموعي ف عيني

ههههههههه


بس عاد لا تضحكون علي

 

يا قلبي ..

حزنتيني يازهوريه :(

قلنا لك موقف طرررررررريف .. مو معاناه هع هع

تقبلي مروري،، سرخاص

 

موووضوووعكم طشخه ..هع

انااا بشاارك mos متحمسه ..

اممممممم مره في العمرة تجهزنا الفجر على أساس بنروح الحرم ..
سبقوني اخواني بكم ثانيه بس ..ونزلوا عني ..خلصت ولحقتهم ..هم يمشووا بسرعه
وأنا ألحقهم في خاطري اقوول "علامهم اليوم ناسين ان ويااهم بنت "ويحليلني شاده الحيل الحقهم ..
وصلنا في الحرم وقفوا وقفت وياااهم ..اطااالعهم ...
وااااااااااااااااه مصيبتاااه هذيلا من !!!!
وين خواني ..
ابي امي ابي ابوووي ابي اهلي هع هع ..:waw:
المهم ما اشوووف عمري اللي حد ماسكني من رقبتي ويسحبني ..
أثاااري اخوي كان يلحقني وانااا الحق ناااس غير ..
موقف ما أنساااه أبد ..
كل ما أذكره اضحك من الخاطر ...

ويسلموووووووووووو